Жол-көлік оқиғаларының алдын алу мақсатындағы профилактикалық жұмыстар аясында мектептің Жас жол инспекторлары жасағының мүшелері аудандық полиция бөлімінің қызметкерлерімен бірлесіп жол қозғалысы қауіпсіздігі бойынша акция өткізді. Іс-шара барысында жас жол инспекторлары полиция қызметкерлерімен бірге жүргізушілерге түсіндіру жұмыстарын жүргізіп, жол қозғалысы ережелерін сақтаудың, көлік тізгінінде мұқият болудың және жол қозғалысына қатысушылардың қауіпсіздігі үшін жауапкершіліктің маңыздылығын еске салды. Жүргізушілерге жол қозғалысы ережелерін сақтау жөніндегі ұсынымдар жазылған ақпараттық жадынамалар мен парақшалар таратылды.
Осындай акциялар халықтың жол қозғалысы саласындағы сауаттылығын арттыруға, жолда қауіпсіз мінез-құлық мәдениетін қалыптастыруға және оқушылардың бойында жауапкершілік пен белсенді азаматтық ұстанымды тәрбиелеуге ықпал етеді.
Жас жол инспекторлары жасағы жол қозғалысы қауіпсіздігін насихаттау және балалардың жол-көлік жарақатының алдын алу бағытындағы жұмыстарын жалғастыруда.
Жас жол инспекторлары – жол қауіпсіздігі үшін
