11-сынып оқушылары үшін жауапты кезең басталды — мемлекеттік емтихандары өтуде. Болашақ түлектер үшін алғашқы сынақ 2026 жылдын 2 маусымда ауызша форматта өткен Қазақстан тарихы пәнінен емтихан болды. Емтихан оқушыларға еліміздің дамуында маңызды рөл атқарған негізгі оқиғалар, тарихи үдерістер мен көрнекті тұлғалар туралы білімдерін көрсетуге мүмкіндік берді. Әрбір оқушы емтихан билетіндегі сұрақтарға жауап беріп, тарихи деректерді талдай алу, қорытынды жасау және өз ойын сауатты жеткізу дағдыларын танытты.
Толқуға қарамастан, түлектер алғашқы емтиханды сенімді түрде тапсырды.
Емтиханның ауызша форматы оқушыларға білімдерін тексеріп қана қоймай, көпшілік алдында сөйлеу, өз пікірін дәлелдей білу және сенімді қарым-қатынас жасау дағдыларын дамытуға мүмкіндік берді.
Алда түлектерді жаңа сынақтар күтіп тұр. Оларға өз күштеріне сенімділік, барлық емтихандарды сәтті тапсыру және алға қойған мақсаттарына жету тілейміз!
Алғашқы емтихан артта қалды: он бірінші сынып оқушылары Қазақстан тарихынан емтихан тапсырды
