9 мамыр – бүкіл ел атап өтетін Жеңіс күні. Бұл – көзге жас үйіретін мереке. Біз бақыттымыз. Бұл күн бізден жыл өткен сайын алыстап барады. Бірақ біз ата-бабаларымызға бұл ұлы Жеңіс қандай бағамен келгенін ұмытпаймыз. Бұл – халқымыздың ерлігі мен даңқы. Соңғы жылдары тарихымызға қатысты көзқарастар өзгерсе де, 9 мамыр – Жеңіс күні – әрқашан өзгермейтін, баршаға қымбат, жүрекке жақын, қайғылы әрі мұңды, сонымен қатар жарқын мереке болып қала береді. Біз бейбіт заманда дүниеге келдік. Біз ешқашан жарылыстың гүрсілін, дабыл сиреналарының үнін естіген жоқпыз, қираған үйлерді, жылусыз баспананы, соғыс кезіндегі жұтаң азықты көрген жоқпыз. Таңсәріде адам өмірін осынша оңай қиюға болатынына сену бізге қиын. Мұның бәрін біз тек фильмдер мен әңгімелерден білеміз. Біз үшін соғыс – тарих.Батырлар күні мен Ұлы Отан соғысындағы Жеңістің 81 жылдығын мерекелеу аясында мектепте «Жеңіс лентасы» атты патриоттық акция өтті. Бұл – жадымыздың, құрмет пен алғысымыздың белгісі.Дәстүрлі саптық байқау мен ән айту шарасы өтті, оған бірінші сынып оқушыларынан бастап мектеп түлектеріне дейін барлығы қатысты. Барлығы бұл іс-шараға үлкен жауапкершілікпен қарады. Жауынгерлік даңқ залында салтанатты жиын өтті. Мектеп түлектері соғыста қаза тапқан батыр жауынгерлерге гүл шоқтарын қойып, бір минут үнсіздікпен еске алды. Іс-шараға Аққайың ауданы ардагерлер кеңесінің төрайымы Н.Б. Брысенкова, интернационалист-жауынгер Б.Е. Ершураев және Аққайың ауданының қорғаныс істері жөніндегі бөлімінің басшысы М.С. Ерденов қатысты. Қонақтар оқушыларға бейбіт аспан тілеп, әрдайым алда болып, жетістіктерімен Қазақстан Республикасын дәріптеулеріне тілек білдірді. «Біз тірі болғанша – жарқын болашағымыз үшін күрескендерді ұмытпай, құрметтеуіміз керек» – №1 Смирново орта мектебі мектеп парламенті көшбасшыларының осы үндеуімен әрбір іс-шара аяқталады.
Жеңіс күні – көз жасымен қарсы алынатын мереке
