Президенттің Жолдауы менде мақтаныш пен ертеңгі күнге деген сенім ұялатты. Мемлекет басшысының білім беру саласына айрықша көңіл бөлуі өте маңызды, себебі мектеп — еліміздің болашағының іргетасы.
Әсіресе, мектеп оқушыларының оқу бағдарламасына жасанды интеллект негіздерін енгізу бастамасы шабыттандырды. Бұл — балаларды цифрлық әлемде өмір сүруге және еңбек етуге дайындайтын заманауи қадам. Біз, мұғалімдер үшін де, бұл — кәсіби өсуге мүмкіндік. Біз жаңа технологияларды оқушыларымызбен бірге меңгеретін боламыз.
Жолдауда айтылған идеялар Қазақстандағы білім берудің дамуына қуатты серпін беретініне сенімдімін. Біз, педагогтар, бұл бастамаларды қолдауға және оқушыларымызбен бірге жаңа белестерге жетуге дайынбыз!
«Ерекше маңыздысы — жасанды интеллектті енгізу ерекше білім беру қажеттіліктері бар балаларға да көмектеседі, жаңа технологиялар олар үшін оқудағы және қабілеттерін ашудағы нағыз көмекшіге айналуы мүмкін».
Психологиялық-педагогикалық қолдау қызметі мамандарының әдістемелік бірлестігінің жетекшісі – Т.А. Каташева
